Titullarımızın sayını artırmaq istəyirik.

AZƏRTAC xəbər verir ki, bu sözləri "Qarabağ"ın futbolçusu Bəhlul Mustafazadə futbol üzrə Azərbaycan Kubokunda "Sabah"la keçirəcəkləri final matçından öncə təşkil olunmuş mətbuat konfransında deyib.

Müdafiəçi bildirib ki, bu qarşılaşmanın "Sabah" üçün xüsusi əhəmiyyəti var: "Onlar ilk dəfə kubokun finalında çıxış edəcəklər. İlk titullarını qazanmaq istəyirlər. Biz də kuboklarımızın sayını artırmaq niyyətindəyik".

Qeyd edək ki, mayın 31-də Mehdi Hüseynzadə adına Sumqayıt şəhər stadionunda keçiriləcək futbol üzrə Azərbaycan Kubokunun final oyunu saat 19:00-da start götürəcək.