Azərbaycan Prezidenti İlham Əliyevin ötən gün imzaladığı “Məhkum edilmiş bir sıra şəxslərin əfv olunması haqqında” Sərəncam Ədliyyə Nazirliyi Penitensiar Xidmətinin 10 və 11 saylı cəzaçəkmə müəssisələrində də icra edilib.

AZƏRTAC xəbər verir ki, 10 saylı cəzaçəkmə müəssisəsində 39 nəfərə arayış təqdim edilib. Bundan başqa, 17 nəfərin cəzası yarıya endirilib.

Sərəncam 11 saylı cəzaçəkmə müəssisəsində 15 nəfərə şamil edilib. Onların 11-i azadlığa buraxılıb, 4 nəfər isə cəzası yarıyadək azaldılıb. Əfv olunan şəxslər arasında Pakistan vətəndaşı da var.

Xatırladaq ki, Prezident İlham Əliyevin martın 18-də imzaladığı “Məhkum edilmiş bir sıra şəxslərin əfv olunması haqqında” Sərəncam ümumilikdə 625 nəfəri əhatə edib.