Ermənistan tərəfinin guya bu gün Azərbaycan Hərbi Hava Qüvvələrinə (HHQ) məxsus 3 təyyarə, 2 helikopter və 6 pilotsuz uçuş aparatının (PUA) vurulması ilə bağlı məlumatı dezinformasiyadır.

Bunu Müdafiə Nazirliyinin mətbuat xidmətinin rəisi polkovnik Vaqif Dərgahlı AZƏRTAC-a açıqlamasında deyib.

V.Dərgahlı bildirib ki, bu gün Azərbaycan Hərbi Hava Qüvvələrinə məxsus heç bir aviasiya vasitəsi ümumiyyətlə havaya qalxmayıb. HHQ-nin bütün döyüş aviasiya vasitələri tam tərkibdə sıradadır və döyüş qabiliyyətlidir.

Görünən odur ki, Ermənistan müdafiə nazirliyinin rəsmiləri Azərbaycanın itkiləri barədə yalan məlumatlar yaymaqla təsəlli tapmağa çalışırlar.