Poliklinikaların nəzdində yaradılmış xüsusi məntəqələrə hər gün koronavirusla əlaqədar 400-500 arası müraciət olur. Müraciətlərin əksəriyyəti telefon vasitəsilə qeydə alınır.

AZƏRTAC xəbər verir ki, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Səhiyyə Nazirliyinin Aparatının rəhbəri Nadir Zeynalov deyib.

“Hazırda müayinə üçün götürülən yaxmaların sayı 6 minə yaxındır. Onların əksəriyyəti ev şəraitində götürülür. Az miqdarını isə birbaşa məntəqələrə müraciət edən vətəndaşlardan götürülən yaxmalar təşkil edir”, - deyə N.Zeynalov bildirib.