Azərbaycan hökuməti peyvəndləmə prosesini yüksək səviyyədə aparıb. Azərbaycan Cənubi Qafqaz regionunda bu prosesi ən yaxşı aparan ölkədir.

AZƏRTAC xəbər verir ki, bu sözləri Ümumdünya Mətbuat Azadlığı Günü və 9 May - Avropa Günü ilə bağlı mətbuat konfransında Avropa İttifaqının (Aİ) Azərbaycandakı Nümayəndəliyinin rəhbəri, səfir Peter Mixalko söyləyib.

“Avropa İttifaqı Ümumdünya Səhiyyə Təşkilatı vasitəsilə Azərbaycana COVID-19 pandemiyası ilə mübarizə üçün avadanlıqlar verib. Bundan əlavə, Azərbaycanda yeddi mindən çox həkimin iştirakı ilə təlimlər təşkil edilib və Azərbaycana iki milyonadək vaksin verilib”, - deyə səfir qeyd edib.