2023-2024-cü tədris ili üzrə peşə təhsili müəssisələrinə 25 min 420 plan yeri ayrılıb.

AZƏRTAC xəbər verir ki, bunu Peşə Təhsili üzrə Dövlət Agentliyinin direktoru vəzifəsini müvəqqəti icra edən Ceyhun Kərəmov bu gün keçirilən brifinqdə deyib.

Onun sözlərinə görə, bunlardan 18 min 290-ı dövlət sifarişli, 7130-u ödənişli plan yerləridir.

Yüksək texniki peşə üzrə 1260 yer, texniki peşə üzrə 22 min 20 yer, ilk peşə üzrə 2140 yer ayrılıb.