Oktyabrın 6-da Azərbaycan Dövlət Pedaqoji Universitetində (ADPU) Azərbaycan Yazıçılar Birliyinin sədri, Xalq yazıçısı Anar Rzayevə həsr edilmiş “Anar- gəncliyin arzusu!” adlı tədbir keçirilib.
×
Oktyabrın 6-da Azərbaycan Dövlət Pedaqoji Universitetində (ADPU) Azərbaycan Yazıçılar Birliyinin sədri, Xalq yazıçısı Anar Rzayevə həsr edilmiş “Anar- gəncliyin arzusu!” adlı tədbir keçirilib.
AZƏRTAC xəbər verir ki, tədbirdə çıxış edən rektor Cəfər Cəfərov ədəbiyyatımızda Anarın çoxşaxəli yaradıcılığının özünəməxsus yeri olduğunu vurğulayıb: “Anar - bu ad hər birimizə tanışdır. Bəzilərinə yazıçı, çox sevdiyimiz əsərlərin müəllifi, bəzilərimizə dönə-dönə izlədiyimiz filmlərin ssenari müəllifi kimi, kiminə Yazıçılar Birliyinin sədri, kimisinə də Rəsul Rza və Nigar Rəfibəylinin oğlu kimi... Bütün bunlar bir ad altında birləşir - yazıçı Anar”.
Sonra ADPU-nun Ədəbiyyat kafedrasının müdiri filologiya üzrə fəlsəfə doktoru, dosent Razim Məmmədov, Azərbaycan dili və onun tədrisi texnologiyası kafedrasının pedaqogika üzrə fəlsəfə doktoru, baş müəllim Adil Balıyev görkəmli yazıçının həyat və yaradıcılığı haqqında məlumat veriblər.
Tədbirdə Anarın yaradıcılığından nümunələr səsləndirilib