Payız-qış mövsümündə Azərbaycanda qrip əleyhinə dördvalentli vaksindən istifadə ediləcək.

AZƏRTAC xəbər verir ki, bunu avqustun 29-da Nazirlər Kabineti yanında Operativ Qərargahın təşkil etdiyi brifinqdə TƏBİB İdarə Heyəti yanında tibbi-elmi komitənin sədri Akif Qurbanov bildirib.

Onun sözlərinə görə, vaksin sınaqdan keçib. Qrip əleyhinə vaksin tətbiq olunan zaman, ilk növbədə, yaşlılar, yanaşı xəstəliyi olanlar, risk qrupuna daxil olanlar nəzərə alınacaq.