Oxçuçayın dib çöküntülərinin təhlili zamanı orada xromun miqdarının 28, nikelin 18, molibdenin 45 dəfə normadan çox olduğu məlum olub. Su nümunələri üzərində aparılan analizlər zamanı molibdenin normanı 3, qurğuşunun 2,5, dəmirin 110 dəfə norma həddini keçdiyi müəyyənləşib.

AZƏRTAC xəbər verir ki, bunu Ekologiya və Təbii Sərvətlər Nazirliyinin ətraf mühitin və təbii sərvətlərin tənzimlənməsi şöbəsinin müdir müavini Vasif Əliyev deyib.

Onun sözlərinə görə, bundan əlavə, Bəsitçay, Bərgüşadçay və Araz çaylarında da təhlillər aparılıb. Onlarda da çirkləndiricilərin miqdarı yol verilən qatılıq həddini keçib.