Ötən il ilk dəfə təşkil olunan sertifikatlaşdırma prosesində 11 211 ibtidai sinif müəllimi iştirak edib və bu prosesdə 97 faiz davamiyyət qeydə alınıb.

Prosesi uğurla tamamlayaraq 51-60 bal toplamış 3 163 müəllimin vəzifə maaşına 35 faiz, 30-50 bal toplamış 5 624 müəllimin vəzifə maaşına isə 10 faiz əlavə edilib.

AZƏRTAC xəbər verir ki, bunu elm və təhsil nazirinin müavini Həsən Həsənli müəllimlərin sertifikatlaşdırılması ilə bağlı brifinqdə söyləyib. O, qeyd edib ki, ümumilikdə 137 min müəllimin sertifikatlaşdırılmaya cəlb edilməsi nəzərdə tutulub.