Əminəm ki, işğaldan azad olunmuş Qarabağımızda da tezliklə belə aksiyalar həyata keçiriləcək və bir çox dövlət qurumları bu tədbirlərə qoşulacaq. Çünki Ermənistan bizim əzəli torpaqlarımızda bir çox müharibə cinayətləri törədib. O cümlədən ekosid, yəni, ekologiyamıza - flora və faunamıza ciddi zərər vurublar. Həmin ərazilər tamamilə məhv olub. Hesab edirəm ki, bu cür aksiyaların həyata keçirilməsi çox vacib və önəmlidir”.

Bunu “Yaşıl Marafon 2022” ağacəkmə kampaniyası çərçivəsində keçirilən növbəti aksiya zamanı AZƏRTAC-a müsahibəsində Azərbaycan Respublikasının insan hüquqlari üzrə müvəkkili (ombudsman) Səbinə Əliyeva deyib.

Ombudsman bildirib ki, son illər ölkəmizdə ekoloji problemlərin aradan qaldırılmasına, yaşıllıq zonalarının yaradılmasına xüsusi diqqət və qayğı göstərilir. Prezident İlham Əliyevin, birinci xanım Mehriban Əliyevanın və Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə respublikamızın müxtəlif bölgələrində ağacəkmə aksiyaları təşkil edilir.

“Bu qədər geniş ərazidə ağacların əkilməsi, onlara qulluğun göstərilməsi çox böyük zəhmət tələb edir. Lakin bu, ölkəmizdə ekoloji vəziyyətin yaxşılaşdırılmasına öz töhfəsini verəcək. Əminik ki, yaşıllaşdırma aksiyaları, marafonlar davam edəcək”, - deyən S.Əliyeva aksiyanın təşkilatçılarına minnətdarlığını ifadə edib.