“Azərbaycan Respublikasında qida təhlükəsizliyinin təmin edilməsinə dair 2019–2025-ci illər üçün Dövlət Proqramı”nın ötən il üzrə icra nəticələrinə əsasən Dövlət Proqramının icrası çərçivəsində ölkəmizdə qida təhlükəsizliyi sahəsində infrastruktur əsaslı şəkildə inkişaf etdirilib.
×
“Azərbaycan Respublikasında qida təhlükəsizliyinin təmin edilməsinə dair 2019–2025-ci illər üçün Dövlət Proqramı”nın ötən il üzrə icra nəticələrinə əsasən Dövlət Proqramının icrası çərçivəsində ölkəmizdə qida təhlükəsizliyi sahəsində infrastruktur əsaslı şəkildə inkişaf etdirilib.
Qida Təhlükəsizliyi Agentliyinin İnformasiya təminatı və innovativ həllər şöbəsindən AZƏRTAC-a verilən məlumat görə, qida təhlükəsizliyi sisteminə daxil olan mövcud laboratoriyalar şəbəkəsi optimallaşdırılıb, müasir tələblərə cavab verən yeni laboratoriyalar yaradılıb və onların maddi-texniki təchizatının təmin edilməsi sahəsində tədbirlər icra olunub.
Yeni yaradılan laboratoriyalar 3-cü Biotəhlükəsizlik Səviyyəli Mobil Səhra Laboratoriyası, Meyvəli Sınaq Laboratoriyası, Xaçmaz Regional Sınaq Laboratoriyası və Kompleks Tədqiqatlar Laboratoriyasıdır.
Eyni zamanda Qida Təhlükəsizliyi İnstitutunun nəzdində fəaliyyət göstərən Milli Referens Laboratoriyası və onun 1 saylı filialı, Mərkəzi Baytarlıq Laboratoriyası, Mərkəzi Fitosanitar Laboratoriyası, Abşeron Regional Sınaq Laboratoriyası, Göygöl Regional Sınaq Laboratoriyası modernləşdirilib, 7 laboratoriya optimallaşdırılıb. Bununla yanaşı, bəzi bölmələr ixtisar edilib və ya yenidən təşkil edilib.
