Gələn ilin yayınadək təxirə salınmış Tokio Yay Olimpiya və Paralimpiya Oyunlarının məşəli sentyabrın 1-dən noyabrın 1-dək Milli Stadionun yaxınlığında ictimaiyyətə təqdim olunacaq.
×
Gələn ilin yayınadək təxirə salınmış Tokio Yay Olimpiya və Paralimpiya Oyunlarının məşəli sentyabrın 1-dən noyabrın 1-dək Milli Stadionun yaxınlığında ictimaiyyətə təqdim olunacaq.
AZƏRTAC xəbər verir ki, bu barədə Oyunların təşkilat komitəsi məlumat yayıb.
Xatırladaq ki, Olimpiya məşəli Yunanıstandan Yaponiyaya martın 20-də, Oyunların təxirə salınması barədə qərarın qəbulundan dörd gün əvvəl gətirilib. Məşəl Oyunların keçiriləcəyi əsas stadionun yaxınlığında yerləşən Yaponiya Olimpiya Muzeyində nümayiş etdiriləcək. Olimpiya məşəlinə baxmaq istəyənlər əvvəlcədən bron götürməlidirlər. Eyni zamanda, muzey koronavirus pandemiyası ilə əlaqədar tamaşaçıların sayını azaltmağa çalışacaq. Muzeyə girişin qiyməti 500 yen (təqribən 5 dollar) olsa da, uşaqlar və məktəblilər üçün biletlər ödənişsizdir.
Avqustun 31-də təşkilatçıların KİV nümayəndələri üçün açılış mərasimi təşkil edəcəyi də bildirilir.
Vüqar Ağayev
AZƏRTAC-ın xüsusi müxbiri
Tokio
