Cari ilin avqustun 28-dən sentyabrın 1-dək keçirilməsi nəzərdə tutulan müəllimlərin işə qəbulu imtahanlarında iştirak edəcək namizədlərin şəxsi səhifələrinə müvafiq məlumat göndərilib.

Təhsil Nazirliyindən AZƏRTAC-a bildirilib ki, həmin tarixlərdə ingilis dili, alman dili və kimya fənləri üzrə növbəti test imtahanları keçiriləcək.

Müsabiqənin test imtahanı mərhələsində iştirak etmiş namizədlərə avqustun 24-dən etibarən apelyasiya müraciəti etmək imkanı yaradılır. İmtahanda iştirak etmiş namizədlər şəxsi səhifələrində hər gün saat 20:00-da aktivləşdirilən müvafiq xanaya daxil olaraq 2 gün ərzində apelyasiya müraciəti edə biləcəklər. Yeni tədris ili başlamazdan öncə namizədlərin apelyasiya müraciətlərinə baxılacaq.