Bağçalara gündəlik təchizat ilə bağlı miqdar müəyyən edilməyib. Biz hazırda çalışırıq ki, mərkəzləşmiş təchizat üzərindən irəliləyək.
×
Bağçalara gündəlik təchizat ilə bağlı miqdar müəyyən edilməyib. Biz hazırda çalışırıq ki, mərkəzləşmiş təchizat üzərindən irəliləyək.
AZƏRTAC xəbər verir ki, bunu elm və təhsil naziri Emin Əmrullayev noyabrın 25-də keçirilən brifinqdə deyib. Nazir bildirib ki, növbəti ildən etibarən bağçalarda uşaq sayı müəyyənləşdiriləcək: “Məktəbəqədər təhsil müəssisələrində uşaqların qidalanması 1994-cü ilin normativi ilə aparılır. Bu normativin vaxtı keçib və onu dəyişmək üzərində işləyirik. Məsələn, qeyd olunub ki, uşaq gün ərzində hansı qidadan neçə qram qəbul etməlidir. Siyahıda olan ərzaqların bəziləri bazarda yoxdur, məsələn, 2-ci növ buğda unu. Biz düşünürük ki, bu miqdarlar kalori norması ilə təyin olunmalıdır. Bu istiqamətdə müvafiq mütəxəssisləri dəvət etməklə standartlar hazırlamışıq. Növbəti həftədən etibarən 50-yə yaxın bağçada isti yeməklə təminat aparılacaq. Bu halda şəffaflıq artacaq”