2018-ci ildə reabilitasiya mərkəzlərində cəmi 10 min vətəndaşımıza xidmət göstərə bilirdiksə, bu il 30 min nəfərə xidmət göstərməyi qarşımıza hədəf qoymuşuq.
×
2018-ci ildə reabilitasiya mərkəzlərində cəmi 10 min vətəndaşımıza xidmət göstərə bilirdiksə, bu il 30 min nəfərə xidmət göstərməyi qarşımıza hədəf qoymuşuq. Bununla yanaşı, yeni reabilitasiya mərkəzləri də istifadəyə verilir. Bu il Şəmkirdə Uşaq Reabilitasiya Mərkəzinin istifadəyə verilməsi nəzərdə tutulub.
AZƏRTAC xəbər verir ki, bunu əmək və əhalinin sosial müdafiəsi naziri Sahil Babayev “Azərbaycanda əlilliyi olan şəxslərin reabilitasiyası sistemində islahatlara dəstək” layihəsinin təqdimat mərasimində deyib.
Nazirin sözlərinə görə, digər vacib məsələ Vətən müharibəsi qəhrəmanlarının reabilitasiyası, onların müxtəlif reabilitasiya avadanlıqları ilə təchizatıdır: "Vətən müharibəsindən keçən il yarım müddət ərzində 103 min unikal şəxsə 190 mindən artıq xidmət göstərilib. Bunun içərisində xüsusi yeri şəhid ailələri ilə yanaşı, Vətən müharibəsi əlilləri də tutur".