Min illərdir ki, vərəm insanlarla birgə yaşayan viruslardan biridir. Son illər ölkəmizdə vərəmlə mübarizə sahəsində xeyli iş görülüb.

AZƏRTAC xəbər verir ki, bunu səhiyyə nazirinin müavini Nadir Zeynalov Ümumdünya Vərəmlə Mübarizə Gününə həsr olunmuş Beynəlxalq Konfransda bildirib.

Ötən 15-20 illə müqayisədə hazırda vərəmin ölkəmizdə rastgəlmə tezliyi və ölüm səviyyəsinin xeyli azaldığını söyləyən nazir müavini deyib: “Son illər ərzində maddi-texniki bazanın gücləndirilməsi, yeni müəssisələrin tikilməsi, mövcud müəssisələrin təmiri kimi vacib işlər görülüb. Bu istiqamətdə beynəlxalq əməkdaşlığın gücləndirilməsi olduqca vacibdir. Bununla təkbaşına mübarizə heç bir effekt verməyəcək. Vərəmlə beynəlxalq səviyyədə mübarizə aparılmalı, həmçinin ölkələrin səhiyyə qurumları bu məsələdə birgə çalışmalıdır”.