Azərbaycanda tütün məmulatları istifadə edən uşaq və yeniyetmələrin sayı 2021-ci ildə nisbətən azalıb. Bu, xüsusilə məktəbyaşlı uşaqlar və valideynlər arasında İctimai Səhiyyə və İslahatlar Mərkəzi tərəfindən aparılan monitorinq nəticəsində məlum olub. Onu da qeyd edim ki, bu cür sorğular, adətən, 13 yaşdan yuxarı uşaqlar arasında aparılır.

Bu barədə AZƏRTAC-a açıqlamasında İctimai Səhiyyə və İslahatlar Mərkəzinin Səhiyyə siyasəti və planlaşdırma şöbəsinin müdiri Nabil Seyidov məlumat verib.

N.Seyidov bildirib ki, 2022-ci ildə isə təxminən 3 min uşaq arasında sağlamlıq vəziyyəti və tütün məhsullarından istifadə ilə bağlı böyük monitorinqin keçirilməsi planlaşdırılıb.

Ümumdünya Səhiyyə Təşkilatının beynəlxalq standartlaşdırılmış sorğusu ümumilikdə 40 ölkədə keçirilir. Sorğu nəticəsində uşaqların fiziki aktivliyi, sağlam qidalanması, onların tütün və narkotik vasitələrdən istifadəsi ilə bağlı ümumi vəziyyət məlum olacaq. Tütün məmulatlarından istifadə istiqamətdə aparılmış sorğular göstərir ki, psixi gərginlik uşaqlar, eləcə də böyüklər arasında siqaret istifadəçilərinin sayının artmasına səbəb olur. Ona görə də əhalinin psixi sağlamlığının qorunması sahəsində müxtəlif tədbirlərin görülməsi vacibdir. Deməli, vətəndaşların psixi sağlamlığının qorunmasına çalışmaqla onların tütün məmulatlarından istifadəsinin azalmasına da nail olmaq mümkündür”.

Müsahib, həmçinin qeyd edib ki, ölkənin tibbi personalı yeni növ koronavirus (COVID-19) infeksiyasının tütün istifadəçilərində daha ağır keçməsi haqqında ciddi maarifləndirmə işi aparıb: “Maarifləndirmə nəticəsində, pandemiya dövründə tütün istifadəsinin böyüklər arasında da müəyyən qədər azaldığı müşahidə edilib. Onu da qeyd edim ki, cari ildə uşaqların psixotrop maddələrdən istifadəsi ilə bağlı ümumi vəziyyətin aydınlaşdırılması ilə bağlı monitorinqin keçirilməsi də planlaşdırılıb”.