Azərbaycan Dövlət Akademik Musiqili Teatrında 8 Mart– Beynəlxalq Qadınlar Gününə həsr edilmiş “Qadın gülərsə…” adlı konsert olub. Tədbirin təşkilatçısı qismində Mədəniyyət Nazirliyi çıxış edib.

AZƏRTAC xəbər verir ki, tədbirin təntənəli hissəsini mədəniyyət nazirinin müavini Elnur Əliyev açıb. O, əziz qadınları bayram münasibətilə təbrik edərək, onlara sevgi və xoşbəxtlik arzulayıb.

Sonra Dövlət Rəqs Ansamblı, Gəncə Dövlət Filarmoniyasının “Xəmsə” estrada ansamblı, xalq artistləri Mübariz Tağıyev, Teyyub Aslanov, Samir Cəfərov, Ənvər Sadıqov, əməkdar artistlər Xəyyam Mustafazadə, Zaur Əmiraslanov və başqa məşhur musiqiçilər çıxış ediblər.

Bayram axşamı bütün tamaşaçılara çox gözəl əhval-ruhiyyə, sevinc və müsbət emosiyalar bəxş edib.