COVID-19 ilə mübarizədə həkimlərimizin qəhrəmanlığı xüsusi qeyd olunmalıdır. Koronavirusla mübarizədə dünyasını dəyişmiş tibb personalının ailəsinin sosial müdafiəsi üçün təminatlar yaradılmalıdır.

AZƏRTAC xəbər verir ki, bu barədə Dövlət Gömrük Komitəsinin Tibbi Xidmət İdarəsinin təşkil etdiyi “COVID-19: Erkən və Gecikmiş Fəsadlar” Beynəlxalq Elmi Konfransında çıxış edən Milli Məclisin Əmək və sosial siyasət komitəsinin sədri Musa Quliyev deyib.

O bildirib ki, koronavirusla mübarizədə xroniki xəstəlik qazanan və əmək qabiliyyətini buna görə və ya digər dərəcədə itirən tibb işçiləri, istər həkimlər, istərsə də orta və kiçik tibb personalının pensiyası, sosial müdafiəsi və digər məsələlər öz həllini tapmalıdır.