Misli Premyer Liqasının VII turunda üz-üzə gələn "Qarabağ" və "Neftçi" komandaları arasında derbi başa çatıb.

AZƏRTAC xəbər verir ki, "Azersun Arena"da keçirilən görüş Ağdam təmsilçisinin 4:0 hesablı qələbəsi ilə yekunlaşıb.

Hesabı qonaqların heyətində avtoqol müəllifi olan Robert Bauer açıb. Digər qolları Olavio Juninyo (2) və Leandro Andrade vurublar.

Hazırda "Qarabağ" 15 xalla turnir cədvəlinə başçılıq edir. "Neftçi" isə 4 xalla 9-cu pillədə qərarlaşıb.

Günün ilk matçında "Şamaxı" səfərdə "Kəpəz"ə qalib gəlib - 2:0.

21:01

Misli Premyer Liqasının VII turunda üz-üzə gələn "Qarabağ" və "Neftçi" komandaları arasında derbidə ikinci hissə başlayıb.

AZƏRTAC xəbər verir ki, "Azersun Arena"da keçirilən görüşün ilk yarısından sonra Ağdam təmsilçisi 3:0 hesabı ilə qalib gəlir.

Qarşılaşmanı FIFA referisi Əliyar Ağayev idarə edir.

20:48

Misli Premyer Liqasının VII turunda üz-üzə gələn "Qarabağ" və "Neftçi" komandaları arasında derbidə birinci hissə başa çatıb.

AZƏRTAC xəbər verir ki, 'Qarabağ" "Azersun Arena"da keçirilən görüşdə fasiləyə 3:0 hesablı üstünlüklə yollanıb.

Qarşılaşmanı FIFA referisi Əliyar Ağayev idarə edir.

20:33

Misli Premyer Liqasının VII turunda üz-üzə gələn "Qarabağ" və "Neftçi" komandaları arasında derbidə ikinci qol vurulub.

AZƏRTAC xəbər verir ki, "Azersun Arena"da keçirilən görüşün 29-cu dəqiqəsində Ağdam təmsilçisinin heyətində Olavio Juninyo fərqlənib.

Qarşılaşmanı FIFA referisi Əliyar Ağayev idarə edir.

20:27

Misli Premyer Liqasının VII turunda üz-üzə gələn "Qarabağ" və "Neftçi" komandaları arasında derbidə hesab açılıb.

AZƏRTAC xəbər verir ki, "Azersun Arena"da keçirilən görüşün 18-ci dəqiqəsində qonaqların heyətində Robert Bauer avtoqol müəllifi olub.

Qarşılaşmanı FIFA referisi Əliyar Ağayev idarə edir.

20:00

Misli Premyer Liqasının VII turunda "Qarabağ" və "Neftçi" komandaları arasında derbi oyunu başlayıb.

AZƏRTAC xəbər verir ki, "Azersun Arena"da keçirilən görüş saat 20:00-da start götürüb.

Qarşılaşmanı FIFA referisi Əliyar Ağayev idarə edir.