Milli Olimpiya Komitəsinin (MOK) dəstəyi, Səhiyyə Nazirliyi Respublika Qan Bankının və Azərbaycan Qan Donorluğunun İnkişafı Mərkəzinin birgə təşkilatçılığı ilə kütləvi qanvermə aksiyası keçirilir.

AZƏRTAC xəbər verir ki, "Həmrəy olaq, Qanımızla yaşadaq" adlı qanvermə aksiyası MOK-un inzibati binasında təşkil olunub. Aksiya zamanı qan verən şəxslərə tam gigiyenik şəraitdə tibbi xidmət göstərilir.

Aksiya talassemiyadan əziyyət çəkən uşaqlara dəstək məqsədilə keçirilir.

"14 İyun - Beynəlxalq Qan Donorluğu Günü"nə həsr olunmuş tədbir saat 16:00-dək davam edəcək.