Milli Olimpiya Komitəsinin (MOK), Azərbaycan Minifutbol Federasiyasının (AMF) və Azərbaycan İdman Jurnalistləri Assosiasiyasının (AİJA) birgə təşkilatçılığı ilə Milli Mətbuatın 150 illiyinə həsr olunmuş yubiley matçı keçirilib.
×
Milli Olimpiya Komitəsinin (MOK), Azərbaycan Minifutbol Federasiyasının (AMF) və Azərbaycan İdman Jurnalistləri Assosiasiyasının (AİJA) birgə təşkilatçılığı ilə Milli Mətbuatın 150 illiyinə həsr olunmuş yubiley matçı keçirilib.
AZƏRTAC xəbər verir ki, Bakı Tennis Akademiyasında təşkil olunan görüşdə idman jurnlistlərindən ibarət komanda tanınmış futbol veteranlarından qurulmuş yığma ilə üz-üzə gəlib.
Komandalar şərti olaraq "Əkinçi" və "Futbol+" adlanıb.
Jurnalistlərdən ibarət yığma meydana "Futbol+" qəzetinin baş redaktoru Mahir Rüstəmlinin baş məşqçiliyi ilə meydana çıxıb.
Sabir Hacıyevin baş hakimi olduğu oyun 7:7 hesabı ilə başa çatıb.
Jurnalistlərdən Emin Abbasov, Mirbağırağa Cəfərli, Nurani İsgəndərov (4), Xanoğlan İmanov veteranlardan Samir Ələkbərov, Azər Bağırov, Azər Mehdiyev, Əli Abışov (2), Vaqif Cavadov (2) fərqləniblər.
Gərgin və maraqlı mübarizə şəraitində keçən yubiley matçının sonunda AİJA prezidenti Eldar İsmayılov, "Olimpiya Dünyası" qəzetinin baş redaktoru Aslan Şirəliyev iştirakçılara Milli Mətbuatın 150 illiyi və AİJA-nın 30 illiyi münasibətilə hazırlanmış xatirə medalları və digər hədiyyələr təqdim ediliblər.
