Bakıda aerobika gimnastikası üzrə dünya yaş qrupları yarışları davam edir.

AZƏRTAC xəbər verir ki, Azərbaycanı təmsil edən Məryəm Topçubaşeva, Fidan İbrahimova və Evelina Kozlovskayadan ibarət komanda üçlüklərin yarışında proqramlarını təqdim ediblər. 12-14 yaş kateqoriyasında çıxış edən trio hakimlərdən 17,600 xal alıblar. Komandamız hazırda üçüncü pillədə qərarlaşıb.

Qadınlardan ibarət üçlüklərin yarışına 18,050 xalla portuqaliyalı gimnastlar başçılıq edirlər.

Sayca 9-cu dəfə təşkil olunan yarışda 18 ölkədən 202 gimnast iştirak edir.

Turnirdə 12-14 və 15-17 yaş qruplarında gimnastlar birincilik uğrunda mübarizə aparırlar.