AZƏRTAC yeni rubrikası çərçivəsində Azərbaycanın müxtəlif rayonlarında, eləcə də Bakı və onun ətrafında yerləşən maraqlı, lakin az tanınan görməli yerlər barədə məlumat verir. Bu dəfə marşrutumuz paytaxtın unikal nəqliyyat vasitələrindən olan Bakı Funikulyorunadır.

Bakı Funikulyoru 1960-cı il mayın 5-də istifadəyə verilib. Dəmir yolu xəttinin uzunluğu 455 metrdir. Vaqonlar saniyədə 3 metr sürətlə hərəkət edərək təxminən 3 dəqiqəyə bir stansiyadan digərinə çatır. Bəhram Gur abidəsi ilə Şəhidlər xiyabanı arasında lift funksiyasını yerinə yetirən funikulyorda vaqonlararası interval 10 dəqiqə təşkil edir. Saatda orta hesabla 300 sərnişinə xidmət göstərmək gücünə malik olan bu sistem hazırda Bakının sevilən nəqliyyat vasitələrindəndir. Bakı Funikulyoru indiyədək 2001 və 2007-ci illərdə iki dəfə əsaslı şəkildə təmir edilib.

Prezident İlham Əliyevin tapşırıqlarına əsasən, 2012-ci ildə Bakı Funikulyorunda əsaslı təmir-yenidənqurma işləri aparılıb, müasir vaqonlar alınıb və 2012-ci ilin mayında yenidən sərnişinlərin ixtiyarına verilib.