COVID-19 pandemiyası dövründə Dövlət İmtahan Mərkəzində (DİM) şagirdlərə və abituriyentlərə metodik kömək məqsədilə 4-11-ci sinif dərsliklərinin hər bir tədris vahidi (8 min 800 tapşırıq), hər bir mövzusu (28 min 535 tapşırıq) üzrə onlayn sınaq variantları, eləcə də buraxılış və qəbul imtahanlarında tətbiq edilən tapşırıq modellərinə uyğun 3 (hər biri 1 variant olmaqla) onlayn sınaq variantları hazırlanıb və otk.az. portalına yerləşdirilib.

AZƏRTAC xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə yanvarın 29-da keçirdiyi mətbuat konfransında deyib. O bildirib ki, dərsliklər üzrə onlayn sınaq imtahanlarında iştirakçı sayı 7 min 298 nəfər olub. Buraxılış və qəbul imtahanları üçün onlayn sınaq imtahanlarında iştirakçı sayı 3 min 899 nəfər olub.