Sabunçu rayonunun Maştağa qəsəbə sakini, əvvəllər məhkum olunmuş V.Muradov iyunun 22-də qəsəbə ərazisində qonşusu K.Məşədiyevin əl nahiyəsinə xuliqanlıq zəminində bıçaqla xəsarət yetirib.

Daxili İşlər Nazirliyinin mətbuat xidmətindən AZƏRTAC-a bildiriblər ki, Sabunçu Rayon Polis İdarəsinin 14-cü polis bölməsi əməkdaşlarının keçirdikləri əməliyyat tədbirləri nəticəsində V.Muradov saxlanılıb. Ona məxsus həyətyanı sahədən kultivasiya yolu ilə yetişdirilmiş beş çətənə kolu, evindən 117,64 qram marixuana və 19,849 qram çətənə toxumu aşkarlanıb.

Faktla bağlı araşdırma aparılır.