Maqsud İbrahimbəyov Yaradıcılıq Mərkəzində Leyla xanım Əliyevanın şeirləri əsasında hazırlanmış “Sevgi haqqında” kiçik ədəbi-poetik tamaşanın premyerası baş tutub.
×
Maqsud İbrahimbəyov Yaradıcılıq Mərkəzində Leyla xanım Əliyevanın şeirləri əsasında hazırlanmış “Sevgi haqqında” kiçik ədəbi-poetik tamaşanın premyerası baş tutub.
AZƏRTAC xəbər verir ki, tamaşanın rejissoru Raul Türkkan, xoreoqraf isə Azərbaycanın Əməkdar artisti Nigar Rzayevadır.
Tamaşada Azərbaycanın Əməkdar artistləri Milana Sokolenko və İnna İmranova da daxil olmaqla, Azərbaycan Dövlət Akademik Rus Dram Teatrının aktyorları, həmçinin onların həmkarları Ruslana Pavlova, Aydan Axundzadə və Aylin Türkkan iştirak ediblər.
Gecənin rəsmi hissəsini mərkəzin direktoru Anna İbrahimbəyova açıb. O, çıxışında gecənin əhəmiyyətini vurğulayaraq, Azərbaycan Respublikasının Prezidenti İlham Əliyevin Maqsud İbrahimbəyovun 90 illik yubileyinin qeyd edilməsi ilə bağlı bu gün Sərəncam imzalamasını xatırladıb.
Mədəniyyət naziri Adil Kərimli, Prezident Administrasiyasının Humanitar siyasət, diaspor, multikulturalizm və dini məsələlər şöbəsinin müdiri Fərəh Əliyeva, Diasporla İş üzrə Dövlət Komitəsinin sədri Fuad Muradov, Milli Məclisin deputatı Hicran Hüseynova, Əməkdar incəsənət xadimi Cahangir Səlimxanov, Əməkdar artist Oleq Əmirbəyov və mədəniyyət sahəsinin digər nümayəndələri tədbirin qonaqları arasında yer alıblar.
