Azərbaycanın hər bir vətəndaşının ölkədə qüvvədə olan qanunlar qarşısında bərabər məsuliyyəti sübut edir ki, ölkə hüquqi dövlətlər sırasına inamla daxil olub.
×
Azərbaycanın hər bir vətəndaşının ölkədə qüvvədə olan qanunlar qarşısında bərabər məsuliyyəti sübut edir ki, ölkə hüquqi dövlətlər sırasına inamla daxil olub.
Bu barədə AZƏRTAC-a Macarıstanın Vesprem şəhərindəki Pannon Universitetinin “Dövlət və hüquq” kafedrasının əməkdaşı Peter Tyukodi bildirib. Azərbaycan Prezidenti İlham Əliyevin modul tipli növbəti hospitalının açılışındakı çıxışını şərh edən macarıstanlı ekspert Azərbaycanda qanunun aliliyinə yüksək qiymət verildiyini vurğulayıb. Dövlət idarəçiliyi islahatlarında Azərbaycanın əldə etdiyi uğurları qeyd edən Tyukodi bildirib: “Prezident İlham Əliyev çıxışında deyib ki, qanun hər kəs üçün qanundur. Heç kim qanundan üstün ola bilməz, heç kimdə heç bir imtiyaz ola bilməz və heç kimə heç bir güzəşt edilmir və edilməyəcək. Bu, onu sübut edir ki, hələ müstəqilliyinin bərpasından sonrakı ilk illərdə ölkədə başlanan hüquqi dövlətin formalaşması prosesi finiş xəttinə yaxınlaşır”.
Pərvanə Qarayeva
AZƏRTAC-ın xüsusi müxbiri
Budapeşt
