Lənkəran rayonunun 16 kəndində eyni vaxtda yolların asfaltlanmasına başlanılıb. Artıq rayonun Sütəmurdov, Velədi, Bala Şürük kəndlərində və Gərmətük qəsəbəsində yollar əsaslı təmir olunaraq asfaltlanıb.

AZƏRTAC-ın bölgə müxbiri xəbər verir ki, kənd yolları ağır texnikalar vasitəsilə hamarlanaraq genişləndirilir, suötürücü arxlar təmizlənir, elektrik, rabitə xətləri qaydaya salınır, ərazidə səliqə-sahman işləri görülür.

Yerli sakinlər rayonun yaşayış məntəqələrində görülən işlərdən razılıqlarını ifadə edərək, ölkəmizdə əhalinin sosial rifahının yaxşılaşdırılmasına göstərilən diqqət və qayğıya görə dövlətimizin başçısına minnətdarlıqlarını bildirirlər.