Bu günə qədər koronavirusdan sağalmış 100-ə yaxın vətəndaş plazma donoru olmaq üçün müraciət edib.

AZƏRTAC xəbər verir ki, bunu Nazirlər Kabineti yanında Operativ Qərargahın mətbuat konfransında TƏBİB-in şöbə müdiri Yaqut Qarayeva deyib.

Onun sözlərinə görə, burada sadəcə istək yetərli deyil, donorluğa uyğun olan kriteriyalar var. Ümumilikdə isə, donorlardan 79-nun göstəriciləri prosesə uyğun hesab olunub, onların verdiyi qandan 231 müalicəvi plazma hazırlanıb və 179 xəstənin müalicəsində istifadə edilib.