Kəlbəcər rayonunun Orta Qaraçanlı kəndi rayon mərkəzindən 10 kilometr məsafədə, Kəlbəcər-İstisu yolunun sol tərəfində, Uluxan çayının sahillərində yerləşir.
×
Kəlbəcər rayonunun Orta Qaraçanlı kəndi rayon mərkəzindən 10 kilometr məsafədə, Kəlbəcər-İstisu yolunun sol tərəfində, Uluxan çayının sahillərində yerləşir. Orta Qaraçanlı kəndi bulaqları, gözəl yaylaqları, füsunkar təbiəti ilə tanınır.
Kənd 1993-cü ildə Ermənistan silahlı qüvvələri tərəfindən işğal olunmuşdu.
İşğaldan əvvəl kənddə orta məktəb, kitabxana, tibb məntəqəsi var idi. Erməni vandalları işğal dövründə kəndi yerlə-yeksan ediblər.
İkinci Qarabağ müharibəsində Ordumuzun Şanlı Qələbəsindən sonra Azərbaycan Prezidenti, Rusiya Prezidenti və Ermənistanın baş naziri tərəfindən 2020-ci il noyabrın 10-da imzalanmış üçtərəfli Bəyanata əsasən, noyabrın 25-də Kəlbəcər rayonu Azərbaycana qaytarılıb.
AZƏRTAC işğal dövründə erməni vandalizminə məruz qalmış Orta Qaraçanlı kəndinin görüntülərini təqdim edir