AMEA-nın prezidenti, akademik Ramiz Mehdiyevin 2020-ci il 12 iyun tarixli “Yay imtahan sessiyasının keçirilməsi haqqında” sərəncamına əsasən, Kataliz və Qeyri- üzvi Kimya İnstitutunda qeyri-üzvi kimya və elektrokimya ixtisasları üzrə doktorluq minimum imtahanı onlayn rejimdə keçirilib.

İnstitutdan AZƏRTAC-a bildirilib ki, elmi müəssisənin direktoru, AMEA-nın vitse-prezidenti, akademik Dilqəm Tağıyevin əmri əsasında, akademiyanın müxbir üzvü Məhəmməd Babanlının sədrliyi ilə imtahan komissiyası yaradılıb. Doktorantların bilikləri komissiya tərəfindən onlayn olaraq qiymətləndirilibdir.