Yanvarın 16-da Bakı Şəhəri üzrə Təhsil İdarəsinin (BŞTİ) tabeliyindəki təhsil müəssisələrinin istilik təminatı ilə bağlı mediatur təşkil olunub.

AZƏRTAC xəbər verir ki, paytaxtın 5 nömrəli tam orta məktəbində və 174 nömrəli körpələr evi-uşaq bağçasında keçirilən mediaturda BŞTİ-nin Təminat, təchizat və təsərrüfat sektorunun müdiri Səccət Mahmudov, Media və ictimaiyyətlə əlaqələr sektorunun müdiri Bəşarət Məmmədov iştirak ediblər.

Media nümayəndələrinə təhsil müəssisələrinin mövsümə hazırlığı, aparılan monitorinqlər, məktəb və bağçaların istiliklə təmin olunması və bu istiqamətdə görülən işlər barədə məlumat verilib.