İstanbul-Bakı marşrutu üzrə həyata keçirilən xüsusi aviareyslər “Azərbaycan Hava Yolları” (AZAL) Qapalı Səhmdar Cəmiyyəti tərəfindən təşkil olunmaqla ölkəmizin İstanbuldakı baş konsulluğundan müstəqil şəkildə həyata keçirilir.

Bu barədə AZƏRTAC-a Azərbaycanın İstanbuldakı baş konsulluğundan məlumat verilib.

Məlumatda bildirilir ki, sözügedən xüsusi uçuşların tarixi, sayı, ardıcıllıq intervalı ölkəmizdəki epidemioloji vəziyyət nəzərə alınmaqla AZAL tərəfindən müəyyən olunur. İstanbul-Bakı marşrutu üzrə həyata keçirilən xüsusi uçuş reysləri üzrə maliyyə şərtləri də AZAL tərəfindən müəyyən olunur. İstanbuldan qalan və qeyd olunan xüsusi uçuş reysləri barədə məlumat əldə etmək istəyən vətəndaşlarımız baş konsulluğa gəlmədən də konsulluğun telefon, qaynar xətt, elektron ünvan, sosial şəbəkə hesabları vasitəsilə məlumat ala bilərlər. Xüsusi uçuş reyslərinin tarixi və uçuşlarla bağlı digər məlumatları əldə etmək məqsədilə AZAL-ın rəsmi internet səhifəsi (azal.az), eyni zamanda, sosial şəbəkə hesablarını da izləmək lazımdır.