İşğaldan azad olunmuş bütün ərazilərdə, Kəlbəcər və Laçın rayonları istisna olmaqla minatəmizləmə əməliyyatları aparılır.

AZƏRTAC xəbər verir ki, bu barədə Azərbaycan Respublikasının Minatəmizləmə Agentliyinin (ANAMA) Təmizləmə və tədqiqat şöbəsinin müdiri İdris İsmayılov jurnalistlərə müsahibəsində deyib.

O vurğulayıb ki, Kəlbəcərdə hava şəraiti və yerin qarla örtülməsi minatəmizləmə əməliyyatlarının aparılması üçün əlverişli deyil. Hava şəraitinə uyğun olaraq, may ayından etibarən digər ərazilərdə də əməliyyatlar aparıla bilər. Kənd təsərrüfatı təyinatlı ərazilər də düşmən tərəfindən minalanıb. Həmin ərazilərdə silah-sursata rast gəlinir.