Heydər Əliyev Fondu və Mədəniyyət Nazirliyinin təşkilatçılığı, Elm və Təhsil Nazirliyi və Azərbaycan Milli Konservatoriyasının dəstəyi ilə iyunun 17-də Heydər Əliyev Sarayında “Muğam aləmi” VII Beynəlxalq Musiqi Festivalının açılış mərasimi keçirilib.

AZƏRTAC xəbər verir ki, Azərbaycanın zəngin musiqi irsinin incisi olan muğam sənətinin beynəlxalq miqyasda təbliği və qorunması məqsədilə təşkil edilən festivalın açılışı “Bayatı” konsert-tamaşası ilə reallaşıb.

Festivalda 25-dən çox ölkəni təmsil edən 50-dən artıq ifaçı, muğam tədqiqatçısı və qonaq iştirak edir.

Müxtəlif ölkələrdən dəvət olunmuş ifaçılar və muğam ustadları festival günlərində səhnəyə çıxaraq tamaşaçılara muğam sənətinin ecazkar dünyasını yaşadacaqlar.

Qeyd edək ki, iyunun 17-dən 22-dək keçiriləcək “Muğam aləmi” VII Beynəlxalq Musiqi Festivalının bağlanış mərasimi Ağdamda təşkil olunacaq.