İyulun 13-də Sabirabad rayonunun Əhmədabad kəndi ərazisində kənd sakini Q.İsgəndərov xuliqanlıq zəminində qonşusu N.Səftərovun daşla baş nahiyəsinə və ov tüfəngindən atəş açaraq ayaq nahiyəsinə xəsarət yetirib.

Daxili İşlər Nazirliyinin mətbuat xidmətindən AZƏRTAC-a bildiriblər ki, xəstəxanaya yerləşdirilmiş N.Səftərovun vəziyyəti qənaətbəxşdir.

Sabirabad Rayon Polis Şöbəsi əməkdaşlarının keçirdikləri əməliyyat tədbirləri nəticəsində Q.İsgəndərov saxlanılıb. Ondan müvafiq sənədləri olmayan “TOZ-16” markalı tüfəng götürülüb.