Milli Hidrometeorologiya Xidmətinin məlumatına əsasən, Bakıda və Abşeron yarımadasında həftənin birinci yarısında mülayim cənub küləyinin sürəti 5-10, arabir 12-15 metr/saniyə olacaq. Havanın temperaturunun 31-36° isti olacağı gözlənilir.

Xidmətdən AZƏRTAC-a bildiriblər ki, həftənin sonunda isə hava şəraitinin qeyri-sabit keçəcəyi, iyunun 25-i gündüzdən iyunun 27-si səhərədək şimal-qərb küləyinin sürətinin 15-20 metr/saniyə olacağı, arabir saniyədə 23-25 metrədək güclənəcəyi, bəzi yerlərdə yağış yağacağı gözlənilir. Havanın temperaturu tədricən 5-7° enəcək və 24-26° isti olacaq.

İyunun 22-dən 25-dək Azərbaycanın bəzi şimal və qərb rayonlarında, həftəsonunda isə əksər rayonlarda şimşək çaxacağı, arabir yağış yağacağı, ayrı-ayrı yerlərdə leysan xarakterli intensiv olacağı, dolu düşəcəyi proqnozlaşdırılır. Qərb küləyi əsəcək, sürəti arabir 15-20 metr olacaq, iyunun 25-27-də isə ayrı-ayrı yerlərdə arabir 23-28 metrədək güclənəcək. Havanın temperaturunun 35-39° olacağı ehtimalı var. İyunun 26-27-də temperatur ötən günlərlə müqayisədə 4-6° enəcək və 28-33° isti olacaq.