Mütləq Döyüş Çempionatının (UFC) yüngül çəkidə çempionu rusiyalı Həbib Nurməhəmmədov amerikalı döyüşçü Castin Getji ilə qarşılaşmasının Əbu-Dabidəki “Fight Island”da baş tutacağını bildirib.

AZƏRTAC xəbər verir ki, idmançı bu barədə mətbuat konfransında məlumat verib. Qeyd edək ki, döyüş oktyabrın 24-də “UFC-254” çərçivəsində keçiriləcək.

H.Nurməhəmmədov sonuncu döyüşünü 2019-cu ilin sentyabrında amerikalı Dastin Poryeyə qarşı keçirib və titulunu qoruyub. Yüngül çəkidə UFC-nin müvəqqəti çempionu C.Getji bu ilin mayında amerikalı Toni Ferqyusonu texniki nokautla məğlub edib.