Hazırda paytaxt üzrə nəzarət-müşahidə altında olan vətəndaşlara ev şəraitində müalicə üçün verilən vitaminlər və mikroelementlərdən ibarət preparatlarla bağlı qıtlıq yoxdur. Həmin dərmanlar müşahidə altında olan vətəndaşlara çatdırılır.

AZƏRTAC xəbər verir ki, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Səhiyyə Nazirliyinin Aparatının rəhbəri Nadir Zeynalov deyib.

O qeyd edib ki, bu işə təzə başlayanda müşahidə altında olan vətəndaşların hamısına preparatları eyni zamanda çatdırmaq qeyri-mümkün idi. Ona görə müəyyən ləngimələr qeydə alınırdı. Hazırda ləngimə yoxdur və ehtiyacı olan vətəndaşlara dərmanlar çatdırılır.