Hazırda 15 minə yaxın həkim və tibb işçisi COVID-19 xəstəliyi ilə mübarizədə iştirak edir. Onlardan 2,5-3 min nəfəri gündəlik olaraq bu işlə məşğul olur.

AZƏRTAC xəbər verir ki, bu barədə Nazirlər Kabineti yanında Operativ Qərargahın avqustun 21-də keçirdiyi mətbuat konfransında Cəlilabad rayon Mərkəzi Xəstəxanasının direktoru Elnur Azadxanov məlumat verib.

Onun dediyinə görə, İndiyədək 51 xəstəxanada COVID-19 xəstələri müalicə edilib və hazırda 34 xəstəxanada bu iş davam etdirilir.