Azərbaycan koronavirus pandemiyasının öhdəsindən uğurla gəlir.

AZƏRTAC xəbər verir ki, bunu Bakıda səfərdə olan Ümumdünya Səhiyyə Təşkilatının regional direktoru Hans Kluge kütləvi informasiya vasitələri nümayəndələrinə açıqlamasında deyib.

Azərbaycanda COVID-19 infeksiyasına qarşı aparılan peyvəndləmənin miqyasının təqdirəlayiq olduğunu deyən H.Kluge buna baxmayaraq, ehtiyatı əldən verməməyi tövsiyə edib: “Azərbaycanda COVID-19-a yoluxma hallarının nə qədər azaldığını görürük. Ölkədə peyvəndləmənin əhatə dairəsi də qənaətbəxşdir. Azərbaycan bu işin öhdəsindən gəlsə də, ehtiyatı əldən vermək lazım deyil. Xüsusilə payız fəslinin yaşlılar və immuniteti zəif olanlar üçün həssas dövr olduğunu unutmaq olmaz”.