Dini Qurumlarla İş üzrə Dövlət Komitəsinin İslam dininə aid ibadət yerlərinə din xadimlərinin təyin edilməsi attestasiyası ilə bağlı təlimata uyğun olaraq, üç din xadiminin vəzifəsi müəyyənləşdirilib. İmam, imam müavini, dini ayinlərin icraçısı (müəzzin) vəzifələri müəyyən olunub.

AZƏRTAC xəbər verir ki, bu fikirləri Dini Qurumlarla İş üzrə Dövlət Komitəsinin sədr müavini Gündüz İsmayılov söyləyib.

Dövlət Komitəsinin sədr müavini bildirib ki, bunlar əsasən böyük məscidlər üçün nəzərdə tutulub. Xaricdə dini təhsil almış şəxslər İslam dininə aid ibadət yerlərində (məscidlər) vakant vəzifələrin tutulması müsabiqəsində iştirak edirlər.

G.İsmayılov İslam dininə aid ibadət yerlərində və ziyarətgahlarda din xadimi kimi fəaliyyət göstərmək üçün dini ali və orta ixtisas təhsilli olan şəxslərin müraciət etdiklərini vurğulayıb.

Sədr müavini Azərbaycanda məscidlərdə vakant yerlər haqqında da məlumat verib.