Milli Gimnastika Arenasında Göyçay və İsmayıllı Olimpiya İdman komplekslərinin bədii gimnastika bölməsinin üzvlərinin iştirakı ilə təlim-məşq toplanışı keçirilir.

AZƏRTAC xəbər verir ki, dekabrın 24-dək davam edəcək məşqlərin təşkili bölgələrdə gimnastikanın inkişaf etdirilməsi, idmançıların hazırlıq səviyyəsinin gücləndirilməsidir.

İsmayıllı Olimpiya İdman Kompleksində 2015-ci, Göyçay Olimpiya İdman Kompleksində isə 2017-ci ildən bədii gimnastika bölməsi fəaliyyət göstərir.

Bölgələrdə gimnastikanın inkişafı çərçivəsində müxtəlif regionlardan gimnastlar paytaxtda mütəmadi olaraq təlim-məşqlərdə iştirak edirlər.