2024-2025-ci tədris ilindən etibarən Füzuli, ehtiyac yarandığı təqdirdə isə Şuşa şəhərində məktəblərin daxilində icma əsaslı məktəbəqədər təhsil qruplarının fəaliyyət göstərməsi planlaşdırılır.

AZƏRTAC xəbər verir ki, bunu Məktəbəqədər və Ümumi Təhsil üzrə Dövlət Agentliyinin direktor müavini Orxan Abbasov bu gün keçirilən brifinqdə deyib. O bildirib ki, işğaldan azad olunmuş ərazilərdən hazırda Ağalı, Talış kəndində məktəbəqədər təhsil müəssisələri fəaliyyət göstərir. Həmçinin Sus və Zabux kəndlərində bağçaların açılması nəzərdə tutulur.