Futbol üzrə Azərbaycan milli komandası Bakıda İordaniya yığmasını 2:1 hesabı ilə məğlubiyyətə uğradıb.

AZƏRTAC xəbər verir ki, “Dalğa Arena”da oynanılan görüşün 45+1-ci dəqiqəsində Emin Mahmudov penaltidən fərqlənərək hesabı açıb. 57-ci dəqiqədə rəqibin heyətində Nizar Əl Raşdan tarazlığı bərpa edib. 79-cu dəqiqədə Renat Dadaşov yığmamıza qələbə qazandıran qola imza atıb.

Qeyd edək ki, daha əvvəl iki dəfə Asiya təmsilçisi ilə üz-üzə gələn millimiz bu oyunların heç birində uduzmayıb - bir heç-heçə, bir qələbə.