Azərbaycan bu il də dünyanın ən mötəbər idman tədbirlərindən biri olan Formula 1 Qran-Prisinə ev sahibliyi etməyə hazırlaşır.

AZƏRTAC xəbər verir ki, sentyabrın 19-21-də paytaxt Bakının küçələrində təşkil olunacaq bu mötəbər yarış yalnız pilotların qızğın mübarizəsi ilə deyil, həmçinin gənclərin böyük marağı və fəal iştirakı ilə yadda qalacaq. Belə ki, bu il könüllülük proqramına müraciət edənlərin sayı əvvəlki illərlə müqayisədə xeyli artıb. Cəmi 48 saat ərzində 31 min gənc bu fürsətdən yararlanmaq üçün müraciət edib. Bu, Azərbaycan Qran-Prisi tarixində ən yüksək göstərici kimi qeydə alınıb. Ötən il bu rəqəm 16,000 idi.

Hazırda seçilmiş namizədlərlə müsahibə mərhələsi davam edir.

AZƏRTAC müsahibə mərhələsinin keçirildiyi məkana gedərək proseslə yaxından tanış olub.