İspaniyanın “Barselona” futbol klubunun yarımmüdafiəçisi Filipp Koutinyo komanda ilə birlikdə məşqə qayıdıb.

AZƏRTAC klubun saytına istinadla xəbər verir ki, ötən mövsümdə “Bavariya”da icarə əsasında forma geyən yarımmüdafiəçi Kataloniya klubuna qayıdıb. İyirmi səkkiz yaşlı braziliyalı futbolçu artıq komanda ilə məşqlərə başlayıb.

“Bavariya” Koutinyonu ötən yay icarəyə götürüb. Braziliyalı yarımmüdafiəçi Münhen təmsilçisində heyətində UEFA Çempionlar Liqasının qalibi, Almaniya çempionatının və kubokunun sahibi olub.