“Maraqlı Art” studiyasında autizm spektr pozuntusu diaqnozu qoyulan balaca rəssam Anna Nağıyevanın (yaradıcı təxəllüsü Anna Reyn) “Qəlbin səsi” adlı fərdi sərgisi açılıb. Sərgi 15 yaşı tamam olan istedadlı qızın doğum gününə həsr olunub.

“BeKind” layihəsinin təsisçisi Şirin Rzayevanın dəstəyi ilə təşkil olunan sərgidə rəssamın 20-dən çox əsər nümayiş etdirilib, Erkən yaşda Annaya autizm spektri pozuntusu diaqnozu qoyulub. Bir neçə ildən sonra Annanın anası Əfsanə Nağıyeva görüb ki, qızı heç kimdən öyrənmədən, şəkillər çəkməyə başlayıb.

Tədbirdə Annanın ailəsi və dostları, eləcə də sosial sahənin nümayəndələri, şəhərin incəsənət və mədəniyyət xadimləri bir araya gəlib.

Əfsanə Nağıyevanın AZƏRTAC -ın müxbirinə verdiyi məlumata görə, sərgiyə hazırlıq çox həyəcanlı keçib.